VALENTINA

Director: Antonio J. Betancor (1982)
(Rex.: 5342)

En 1939, José Garcés (Jorge Sanz), vencido e prisioneiro no campo de concentración de Argéles (Francia), consegue manterse con vida aferrándose aos seus recordos. Sobre todo ao recordo do seu primeiro amor, Valentina, a filla do notario, unha nena loura e anxelical que se converteu no seu imposible ideal e á que nunca debía esquecer. Ambos os dous tiveron unha historia de amor nun pobo do norte de España cara a 1911. José Garcés aos 12 anos era un neno cheo de vitalidade que dubida entre ser heroe, santo ou poeta, e que inventa o que sexa necesario para estar con Valentina, malia as ameazas familiares e á sombra inquietante dos pais da noiva. Mosén Joaquín (Anthony Quinn), profesor do neno, é o único en comprender a forza da súa paixón.

Ficha técnica

Trailer

Baseada na novela "Crónica del alba" de Ramón J. Sénder