Director: Kevin Macdonald (2009) (Rex. 4783)
Narra como un congresista e un reporteiro se ven envolvidos nun caso de dous asasinatos que, aparentemente, non teñen relación entre si. Cal McCaffrey (Russell Crowe) é un xornalista de Washington DC cuxo olfacto o leva a desenmarañar os misteriosos asasinatos dalgunhas das figuras máis prometedoras da política e a grande empresa. O aposto e imperturbable congresista Stephen Collins (Ben Affleck) representa o futuro do seu partido: debido á súa honradez, foi elixido presidente do comité que supervisa os gastos de Defensa. Todos esperan que esta estrela en auxe represente o seu partido na próxima carreira cara á presidencia. Ata que alguén asasina brutalmente a seu axudante/amante, e os segredos se escapan do seu escondedoiro. McCaffrey ten a dubidosa fortuna de ser un vello amigo de Collins, e de que o seu xefe (Helen Mirren) sexa totalmente desapiadado e o mande a investigar o caso. Mentres segue a pista do asasino coa axuda da súa compañeira Della (Rachel McAdams), descobre unha tapadeira que ameaza con facer tremer as estruturas do poder da nación. Nunha cidade de relacións públicas, asesores e ricos políticos, aprenderá unha verdade innegable: cando miles de millóns están en xogo, a integridade, o amor e a vida de calquera están en perigo.
Ficha técnica
Trailer
Ningún comentario:
Publicar un comentario