Director: José Luis Cuerda (1988)(Rex.: 5182)
Teodoro é un novo enxeñeiro español que traballa como profesor na Universidade de Oklahoma e regresa a España para gozar dun ano sabático. Descobre ao chegar que Jimmy, o seu pai, matou a súa nai. Para compensarlle a perda e para poder realizar viaxes de pracer xuntas, Jimmy comproulle unha moto con sidecar a Teodoro. Pai e fillo chegan a un remoto pobo da montaña. O pobo parece baleiro pero en realidade é que todos os veciños, menos o negro Ngé Ndomo, están en misa, como cada día do ano. O cura dáse tal maña coa liturxia que non hai fiel que queira perderse o espectáculo. Jimmy e Teodoro van descubrindo as peculiaridades de pobo e dos seus habitantes e teñen ocasión de participar nas eleccións xenerais que se celebran cada ano nas que se elixen, por rigorosa votación, os cargos de alcalde, cura, mestre, puta, marimacho en período de proba e seis adúlteras. Ademais dos seus estraños habitantes o pobo está agora repleto de visitantes: un grupo de estudantes da Universidade norteamericana de Eaton, uns meteorólogos belgas, un grupo de disidentes dos Coros do Exército Ruso, invasores camuflados do pobo de arriba...
Ficha técnica
Trailer
Ningún comentario:
Publicar un comentario